Maidinín bhreá Fomhair, ‘s mé siubhal na coille seo
Casadh cailín óg orm sa bhfásach,
Ó, a ‘seoladh na ngamhna ar maidin tháinig mé
Ach ceann acub ní bhfuair mé ‘sa bhfásach.

D’fhiafruigh sise dhíomsa cé dhár díobh mé
No cé’n taobh i leith go dtáinig mé
A’ tóruíocht na ngamhna le fáinne ‘n lae cuireadh mé
Ach ceann acub ní bhfuair mé ‘sa bhfásach.

Tá crann caorthainn a’ fás i gciumhais na coille seo
Is beidhmíd le chéile ann go lá bán
Ó, beidmíd ann in éindí go sgallóidh sé ‘na mhaidneachain,
‘Gus gheobhfaimid na gamhna amáireach.

Dá mbéadh fhios ag mo Dhaidí, ‘s dá mbéadh fhios age mo Mhaimí
Go raibh mise ‘s tú seal in éindi,
Ó, fiche buille dhe mhaide a gheobhfainn-se ar maidin
Is a Dhia, céard a dhéanfhainn-se an lá sin.

Fóill, fóill, a chailín, ní dhearna mise tad’ ort,
Ach a’rud a d’eirigh cheana dho do mháithrín
Ach seo dhuit-se póigín, ar bharra do chúig méara
Is a chumainnín, mo chúig céad slán leat.