A bhruinnilín bhéasach’s tú mhéadaigh míle osna ‘mo lár
Is go luaitear le chéile na céadta nach bpósann go brách.
Do dhá shúilín chlaona is do bhéilín chiúin tanaí mín tláth
‘S tú mo stóirín le bréaghadh, is dá ghabhfainn é bhabhfainn do cheann.

Is nach mise bhíonns cúthail i gclúid nach mbíonn aithne orm ann
Ag smaoineamh ar mo stóirín tráthnóna is go moch leis an lá
A Dhia Mhóir na Glóire, ‘sí do bhreoidh mé ‘s do chlaoi mé ‘mo lár
A Rúin dhíl ná tréigh mé, ‘s tú mo mhúirnín go dtug mé dhuit grá.

Is a bhuachaillí óga ná pósaidh’ a lán do na mná
Mar nach bhfuil in a nglórtha ach mar d’eireoch an tuile ar a’ trá
Go dtriomaí Loch Éirne, nó go dtréige an eala ‘ clúmh bán
Ní neosfa mé d’éinne cé’n réasun go dtug mé dhuit grá.