Thugas-sa bliain ar an gcarraig
Is bliain eile i gCaiseal ‘na dheoidh
Is an bhliain sul ar fhágas an baile
Bhí próiseas in dachad im chóir.

Curfá:

Táim in arrears, in arrears
Táim in arrears i dtigh ‘n óil
Táim in arrears, in arrears
‘S is baolach na díolfad go deo.

Siúd ort a mháthair mo chéile
Ná faca ar aonach riamh fós
A chladhaire na h-ól orm braon de
‘S nár fhág tú fiú an ghé ‘gam gan ól.

Curfá:

A chailleach do thugais-se t-éitheach
Níor ólas do ghé ná do bhó
Go deimhin duit ná fagfa’ mé’n t-aonach
Go n-ólfadh an léine do’d tóin.

Curfá:

Is duine gan gustal gan éifeacht
Gan súil le haon bhraon de go deo
A mhaoidhfeadh ar mháthair a chéile
Go n-ólfadh sé an léine dá tóin.

Curfá:

Comhairle do fuaireas-sa féinig
Ó shean duine aerach go leor
Go mb’fhearra dhom scilling chun éadaigh
Ná é fhágaint im dhéidh i dtigh ‘n óil.

Curfá:

Fiche bó bainne do bhéarfainn
Is tarbh ‘na ndéidh insa ród
Dá dtabharfá na móide ó’d bhéal dom
Nach n-ólfa aon bhraon de go deo.

Curfá:

Mile bó bainne dá mbéarfadh
Is tarbh ‘na ndiadh dom sa ród
‘S na móide dá dtabharfainn ó’m bhéal duit
Ní leomhfainn gan dul chun tí’n óil

Curfá:

Tá banda den dríob ar do hata,
‘S do charabhat scaoilte faoid’ sceoig
Do pheribhic bíonn ‘na choc reatha
‘S stracaithe bhíonn do chasóg.

Curfá:

Ceannóidh mé peiribhic phúdair
Is gan dearmad búclaí do ‘m bhróg
Hata trí gcoc go mbeidh stiúir air,
Is maig air anonn go tí ‘n óil.