O’s a Mháire Ní Laoghaire o bhéal a Chéama
Mar a mbíonn os maol dhá mhúscailt
An amhla d’éagais, ná hairím aon phioch
De ghuth do bhéil sa dúthaigh
Nó an bheacaís éinne ‘gabháil moch nó déanach
Sa ghleann so taobh le Diúbhchoill
D’inneosfadh scéal dui tar chúrsaí ‘n tsaoil seo
Go bhfuil Clanna Gael i gcumhangaireacht.

Do chuala scéal beag anois go déanach
Ó fhideoig shléibhe bhí i nDubhchoill
Gó suífadh téarma gan mhoill in Éirinn
A chuirfeadh béir ar gcúlaibh
Go mbéadh Repéalers is a bhfórsaí tréana
Agus cúnamh Dé dhá stiúradh,
Agus buíon an Bhéarla gan fíon gan féasta
Ach stealladh piléar dhá ndúiseacht

Go n-éirí an saol leis an bhfideoig shléibhe úd
A thug an scéal san chughat-sa
Le grá ‘s le méinn duit thar mhnáibh na hÉireann
A bhláth ‘s a chraobh na n-údar
Ó bhís có h-éasca ‘gus lághach le béaraibh
Is a bhfágaint tréith le púdar
Tá an cáirde taobh leat le grásta an Aonmhic
Do ghéarr an téarma ar dtúis dóibh.

Beidh stealladh piléar agus pící géara
Dhá gcur ar méadail bruadach
Beidh cloch is craobh ortha ó laímh gach éinne
Agus mallacht Dé ar a gcomplacht.
Beidh siad go faon lag faoí spalladh gréine
Gan neach sa tsaol ‘na gcúram
A gcoin ‘s a mbéaglas is a gcapaill traochta
Gan dúil i ngéim na i liú ‘ca.

Dá mbeinn ar chlár glan, fé thobac geárrtha
Is fé sholus bán gan mhúchadh
Go n-aireoinn rás ar an dream so chráidh sinn
Go n-éireoinn láidir chúcha.
Tá mo shúil lem Mháistir ná raghad dhon bhán ghlas
Go bhfeicfead tláth an complacht
Is go mbead á náireamh i bpollaibh báite
Is le fallaibh árda ‘á ruascadh.

Go deimhin a stóraigh, más fíor do ghlórtha
Gur dheinis óg arís mé
Chun tally-ho bheith ar mhnáibh na rógairí
D’itheann feoil Dé hAoine.
Sé deir lucht eolais go mbeidh siúd brónach
Mar gheall ar phóit an tsaoil seo
Ná leanann comhairle na cléire córach
Is gabháil an bóthar díreach.